சிவபாதவிருதயர்   தம்   உறவினர்களுடன்   மறுநாளே   நல்லூர்   புறப்பட்டார் .நம்பிகளுக்கு   அவர்கள்   வந்த  செய்தி   அறிந்ததும்   மிக்க   மகிழ்ச்சி   அடைந்தார் .     ஞானப்பாலுண்ட    அப்பெருமகனை   பற்றி   அவர்   அறிந்திருந்ததால்   அவர்    தம்   மகள்   கொடுத்து   வைத்தவள்  என்று   பெருமிதம்    அடைந்தார் .     அவர்களை   மிக்க   மகிழ்ச்சியுடன்   தம்   சுற்றத்தாருடன்   வரவேற்றார் .  மணம்   பேசி   முடித்து   சம்பந்தரின்   தந்தையார்   ஊர்   திரும்பினார்.     புரோதிகர்களை    கலந்து   பேசி   முகூர்த்த    நாள்   நிச்சயித்தார் .  தோணிபுரமே   விழாக்கோலம்   பூண்டது .  நீலநக்கர்   முருகனார்   எல்லோரும்   திருமணத்தில்   கலந்து   கொள்ள   தோணிபுரம்   வந்து   சேர்ந்தனர் .   திருமண   நாள்   நெருங்கியது .   விதிப்படி  காரியங்கள்    செய்து   முடித்துக்கொண்டு    சம்பந்தர்   ஆலயம்   சென்று    தோணியப்பரை   சேவித்து   கொண்டு    சுற்றத்தாருடன்  நல்லூர்    பயணமானார் .