வார்  கொண்ட   வனமுலையாள்   உமைபங்கன்   கழலே
 மறவாது   கல்லெறிந்த   சாக்கியர்க்கும்   அடியேன்

திருச்சங்கமங்கை   எனும்   ஊரில்   வேளாளர்   குலத்தில்   பிறந்த   ஒருவர்   வாழ்ந்து   வந்தார் .  அவருக்கு   ஒரே   லக்ஷியம்   பிறப்பு   இறப்பு   இல்லாத     நிலை   அடைய   வேண்டுமென்பதே .   அதற்காக   ஊர்   ஊராக   சென்று   பல   சமய   நூல்களை   அலசி   ஆராய்ந்தார் .   அப்படி   ஆராயும்போது   காஞ்சி   அடைந்து   பௌத்த   சமயத்தில்   சேர்ந்து   சாக்கியனாகி   புத்த   சமயத்தை   ஆராய்ந்தார் .   அவருக்கு   அதிலும்   மன   அமைதி   கிடைக்க வில்லை .  கடைசியாக   சிவபெருமான்   அருளால்     ஈசன்   காலை   பற்றித்தான்    தன்னுடைய   எண்ணம்    நிறைவேறும்   என்று   முடிவுக்கு   வந்தார் .  அவர்   தன்   கோலத்தை   மாற்றவில்லை .   ஐயனுக்கு   எல்லா   தோற்றமும்    சமமே   மனம்   அவரிடம்   லயித்தால்   போதுமென்று   முடிவு   செய்தார் .   சிவலிங்கத்தை   தரிசிக்காமல்   உணவு   உண்பதில்லை   என்று   முடிவு   செய்தார் .  அந்த   வைராக்கியத்தில்   உறுதியாக   இருந்தார் .